عشر خطوات، أربع إيدين
كل خطوة مكتوب مين بيبلّشها ولمين بتوصل. الدورة ما بتخلص عند الزبون: بترجع لعندك، وبترجع لعنّا.
التحضير
صاحب المحلكرتك
بتبعتلنا رسالة
رسالة عـ@getkartak فيها إسم المحل، قدّيش عندك فروع، وشو بدّك تعطي هدية. بلا فورم، وبلا ما توقّع شي بالأول.
بيستعمل رسالة عالإنستغرام
كرتكصاحب المحل
منعمل الكرت ومنمرق لعندك
منصمّم الكرت بألوانك، منحدّد الهدية، منطبع ستاند الكاونتر وكروت الطاولات، ومنفتحلك حساب صاحب المحل. الديمو بياخد عشر دقايق عالكاونتر عندك.
بيستعمل تصميم الكرت، ستاند الكاونتر، حساب صاحب المحل
صاحب المحلالموظفين
بتعطي فريقك حسابات إلن
كل باريستا، غرسون أو كاشير بياخد حساب موظف بيفتح صفحة وحدة: السكانر. ما بيشوف أرقامك، ما بيغيّر الكرت، وما بيبعت رسايل.
بيستعمل صفحة الفريق
جيبة الزباين
صاحب المحلالزبون
بتحطّ الكرت وين الناس أصلاً عم تطلّع
الستاند حدّ الصندوق، QR عالطاولة وعالمنيو، سطر عالفاتورة، واللينك ببايو الإنستغرام وبستوري.
بيستعمل ستاند الكاونتر، كروت الطاولات، لينك الإنستغرام
الزبونصاحب المحل
بيزيدوه بكبسة وحدة
بيقرّبوا من الستاند أو بيمسحوا الكود، بيشوفوا كرتك، وبيكبسوا Add to Apple Wallet أو Save to Google Wallet. بلا تطبيق ينزّلوه وبلا حساب يعملوه.
بيستعمل Apple Wallet وGoogle Wallet
كل زيارة
الزبونالموظفين
بيفرجوا الكرت، والموظف بيعمل سكان
عالصندوق أو عالطاولة، الزبون بيفتح الكرت من شاشة القفل. الموظف بيعمل سكان بتلفون الكاونتر. بتنزل ختمة وحدة، مع الوقت وإسم اللي عطاها.
بيستعمل صفحة السكان
الموظفينالزبون
الكرت بيكمل، والهدية إلن
مع آخر ختمة الكرت بيقول إنو الهدية جاهزة. الزيارة الجايي، الموظف بيعمل سكان، بيعطي الهدية، والكرت بيرجع يبلّش من الصفر.
بيستعمل صفحة السكان، إشعار عشاشة القفل
إنك تخلّيهن
صاحب المحلالزبون
بتبعت رسالة عشاشة قفلن
حلو جديد، ختمتين بدل وحدة لحدّ الضهر، مسكّرين بالعيد. بتبعتها للكل، للي قرّبوا عالهدية، أو للي صرلن فترة ما إجوا.
بيستعمل الرسايل، العروض
الموظفينصاحب المحل
بتقرا شو صار
الزيارات حسب النهار والساعة، الزباين الجداد واللي عم يرجعوا، الختمات اللي عطاها كل موظف، الهدايا اللي انعطت، والزباين الدايمين اللي وقّفوا يجوا.
بيستعمل الداشبورد، التقارير
رجعة لعنّا
صاحب المحلكرتك
بتقلّنا شو بدّك تغيّر
هدية جديدة، فرع جديد، كرت لرمضان أو للصيف، تلفون موظف ضاع. ابعت رسالة ومنظبّطها سوا.
بيستعمل رسالة عالإنستغرام
مين بيشوف شو
نوعين حسابات للمحل، والزبون ما عندو شي يفوت عليه.
| صاحب المحل | الموظفين | الزبون | |
|---|---|---|---|
| سكان للكرت وختمة | إيه | إيه | لأ |
| يرجّع ختمة انعطت غلط | إيه، لدقيقتين | إيه، لدقيقتين | لأ |
| يعطي الهدية | إيه | إيه | بيشوف إنها جاهزة |
| أسامي الزباين وزياراتن | كل الكروت | بس الكرت اللي قدّامو | بس كرتو |
| الأرقام والرسومات | إيه | لأ | لأ |
| يبعت رسالة للزباين | إيه | لأ | بتوصلو |
| يغيّر الكرت أو الهدية | إيه | لأ | لأ |
| يزيد أو يشيل موظفين | إيه | لأ | لأ |
| يشيل الكرت | لأ | لأ | أيّ وقت، من المحفظة |
سبع أنواع محلات
الدورة هيّي ذاتها بكل محل. اللي بيتغيّر مين بيعمل سكان، وإيمتى.
قهوة بكاونتر واحد
أبسط حالة. ستاند حدّ الصندوق، تلفون واحد عالكاونتر، باريستا أو تنين.
- مين بيعمل سكان
- الباريستا
- إيمتى
- لمّا تندفع القهوة
- فكرة هدية
- الفنجان العاشر عحساب المحل
فرن أو صفّ مناقيش
عشرة ناطرين الساعة تمانة الصبح. السكان نظرة وحدة عالشاشة، فالصفّ بيضلّ ماشي.
- مين بيعمل سكان
- الكاشير
- إيمتى
- لمّا تنعطى الكيسة
- فكرة هدية
- منقوشة ببلاش بعد تمانة
مطعم فيه غرسونات
الختمة بتلحق الفاتورة، مش الكاونتر. كل غرسون بيفوت بحساب موظف من تلفونو أو من تلفون الصالة. كروت الطاولات بتجيب ناس عمرن ما وقفوا عالصندوق.
- مين بيعمل سكان
- الغرسون، عالطاولة
- إيمتى
- لمّا تجي الفاتورة
- فكرة هدية
- حلو بعد خمس عشوات
سلسلة بكذا فرع
كرت واحد بيمشي بكل الفروع. الزبون اللي بلّش بالأشرفية بيكمّل يختم بجونية. كل فرع عندو موظفينو، وإنت بتشوف كل الفروع حدّ بعض.
- مين بيعمل سكان
- موظفين الفرع اللي زارو
- إيمتى
- متل ما بكل فرع
- فكرة هدية
- نفس الهدية بكل الفروع
حلّاق أو صالون
الزيارات بعاد عن بعض بأسابيع، فالتذكير أهمّ من الختمة. ابعت رسالة للي صرلن خمس جمع ما إجوا.
- مين بيعمل سكان
- اللي بيخلّص القصّة
- إيمتى
- بعد القصّة
- فكرة هدية
- القصّة السادسة ببلاش
الصيف والأعياد
العيل الراجعة من برّا بتعبّي الشوارع بتمّوز وبكانون. الكرت اللي انزاد بالصيف بعدو عتلفونن لمّا يرجعوا عالأعياد.
- مين بيعمل سكان
- متل العادة
- إيمتى
- من تمّوز لأيلول، وبالأعياد
- فكرة هدية
- رسالة أهلا وسهلا للي ما شفناهن من الصيف
الديليفريقريباً
للطلبيات اللي بتاخدها عالواتساب أو الإنستغرام تبعك. الشوفير بيفوت كموظف وبيعمل سكان للكرت عالباب.
- مين بيعمل سكان
- الشوفير
- إيمتى
- عالتسليم
- فكرة هدية
- ديليفري ببلاش بعد خمس طلبيات
إذا صار شي غلط
الأسئلة اللي بتسألها المحلات بأول شهر، وشو بيصير.
- زبون غيّر تلفونو
- Apple Wallet وGoogle Wallet بيحفظوا الكروت بحساب الزبون، فالكرت بيرجع لمّا يفوت عالتلفون الجديد. إذا ما رجع، ابعتلنا رقم الكرت ومننقل الختمات.
- حدا انختم مرّتين بالغلط
- صفحة السكان بتخلّي زر Undo دقيقتين بعد كل ختمة. بعدها كل ختمة بتضلّ مسجّلة مع الوقت ومين عطاها.
- موظف عم يختم لرفقاتو
- الكرت ما بينختم إلا مرّة كل كم دقيقة، وكل ختمة عليها إسم اللي عطاها. الختمات لكل موظف موجودة بالتقارير، فالرقم اللي طالع عن الباقي بيبيّن.
- حدا ترك الفريق
- شيلو من صفحة الفريق. حسابو بيوقف دغري، عكل تلفون كان فاتح عليه.
- تلفون الكاونتر ضاع
- حساب الموظف بس بيعمل سكان. غيّر كلمة السرّ من صفحة الفريق والتلفون الضايع بيطلع دغري. فوت عالتلفون الجديد وكمّل.
- تلفون الزبون ما فيه NFC
- ستاند الكاونتر وكروت الطاولات عليهن QR كمان. الكاميرا بتفتح نفس الكرت.
قلّنا كيف بيمشي محلّك.
قدّيش فرع، قدّيش موظف، كاونتر أو خدمة عالطاولة. منركّب الدورة حوالين هيدا ومنشرحها لفريقك.